لازم ارجع
لازم اكتب
بصوا انا لما كتبت المرة الاولى كنت عاوز اعبر عن حاجه جوايا بس محستش انى بكتب حاجه ليها لزمه علشان كده بطلت بس مقدرتش لان السبب فى انى كنت بكتب انى اقول سلبيات شفتها فى حياتى و فى الحياة الناس الى حولى فى الشارع فى البيت فى الشغل و لاننا كلنا حياتنا مليانه سلبيات فمحدش يقدر يقول انى الدنيا حلوة و مفيش سلبيات و عشان كده انا هكتب بس بشرط انى مش هقول غير سلبيات بس هو هزار مش هقول حاجه بجد هو ده الى انا قررته .
1 - انا شايف ان الحكومه بتعتنا بقت جامده جدا و معندهاش سلبيات و الى اكدلى كده قانون المرور
2 - انا شايف ان الناس كلها بتراعى ربنا و اكبر دليل اصحاب الاعمال الى مبيأخروش حقوق الناس
3 - انا شايف ان الشباب بقوا محترمين جدا و اكبر دليل ان البنات مبتتعكسش فى الشارع
4 - انا شايف ان الكورة فى مصر اصبحت متقدمة جدا و اكبر دليل اننا هزمنا الفريق العظيم كينيا 1-0
5 - انا شايف ان الناس كلها اخر حلاوى مع بعض و علشان كده محدش بقى بيعمل مشاكل مع حد
و شايف و شايف و شايف
انا شايف حاجات كتير يا ترى انت او انتى شايفين ايه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ليست هناك تعليقات:
إرسال تعليق